Inlawlawga ti Department of Energy (DOE) nga awan ti epekto iti suplay ti lana ti pagilian a Pilipinas ti panangipatungpal ti China iti export ban.
Sigun kenni Energy Secretary Sharon Garin, agur-urnong ti China iti suplayda iti lana gapu iti kaadu ti nairuwarda a reserbada iti napalpalabas a tawen.
Imbinglayna metlaeng a nangipatungpalda iti panagadal kadagiti oil companies iti pagilian no sadino nakitada nga awan ti direkta nga epekto daytoy iti Pilipinas.
Sigun kenkuana, adda ti long term contracts dagiti oil companies iti pagilian a kasapulanda a suruten.
Maipalagip nga inwaragawag ti China a saanda nga agi-export ti lana kadagiti dadduma a pagilian gapu iti posible a panagngato ti presyo daytoy gapu iti agtultuloy a gubat idiay Middle East.
