Inwaragawag ti Office for Transportation Security ita nga aldaw a mabalinen a mangitugot dagiti Air passengers ti extension cords ken power strips kadagiti carry-on luggage dagitoy.
Nag-epektibo ti baro a polisia idi kalman ken naipaulog bayat a maur-uray ti pannakarepaso ti Office for Transportation Security Prohibited Items List.
Sigun iti nasao nga ahensia, naipaulog ti nasao a policia kalpasan ti reklamo dagiti sumagmamano a pasahero, no sadino maitunos iti panangiwanwan ti Department of Transportation a mangipaay ti nasaysayaat ken awan pagkuranganna a kapadasan dagitoy iti panagbiahe.
Malaksid iti dayta, paset daytoy iti panangpasayaat ti nasao a nga ahensia iti polisiada a mangipaay ti komportable, natalged ken dadduma pay a pagsayaatan dagiti amin a pasahero.
Kabayatanna, inyunay-unay ti nasao nga ahensia a nainget nga ipawpawil dagitoy ti paltog, natadem a banag, kemikal, makasabidong a substances ken dadduma pay kadagiti carry-on luggage.
