Impetteng ti Baguio City Schools Division babaen kenni City Schools Superintendent Soraya Faculo a saan a mabalin a rumuar dagiti estudyante ken mannursuro iti out of schools kabayatan iti weekends tapno makipaset kadagiti non-academic events kas kadagiti workshops, trainings, meetings, selebrasyon ken anyaman a kapada nga aktibidad nangnangruna iti umuna a 54 agingga 61 nga aldaw iti umuna a termino para iti School Year 2026-2027.
Daytoy ket tapno masalwadan ti seryosos nga academic teaching, assessments, ken agtultuloy a learning support.
Sigun kenni Faculo, makauray dagiti nasao a non-academic activities inton Setyembre, no sadino agleppas ti umuna a termino.
Ditoy metlaeng gamin a mangrugi ti enrichment block, no sadinno mapalubosan dagiti nasao nga aktibidad apaman a makumpleto dagiti instructional block.
Maipalagip nga iti sidung ti three-term school calendar, manamnama manipud kadagiti mannursuro ken estudyante a kumpletuenda ti 201-day school calendar manipud Hunyo 8 iti agdama a tawen agingga Abril 8, 2027 no sadino saan kuma a masinga kadagiti anyaman a non-academic activities .
Nupay kasta, maipalagip nga adda ti talo a termino iti agdama nga school year- ti opening block, instructional block, ken end-of-term block no sadino nailatang ti opening block para iti profiling ken assessment, psychosocial assessment, ken dadduma a trabaho kas preparasyon iti instructional block no sadino ditoy metten a maipokus ti panagadal dagiti estudyante.
Iti met end-of-term wenno iti enrichment block a mapalubosan dagiti mannursuro ken estudyante a mangisayangkat kadagiti inplanoda nga extracurricular activities ita nga school year. //kcs
