Imbinglay ni Baguio Councilor Betty Lourdes Tabanda a ti makitkitada a karit kadagiti pamilya ket ti kinakurang ti oras dagiti parentes kadagiti annakda gapu iti panagsarak iti pagbiyagan.
Sarunoen daytoy ti impluwensya ti ‘outside world’ ken internet gapu ta agawenna ti atensyon dagiti ubbing.
Gapu iti daytoy, adda metlaeng dagiti isaysayangkat ti lokal a gobyerno ti siudad ti Baguio a Cybersecurity seminars kadagiti PTA Officers ti pagadalan ken parentes tapno mailawlawag kadakuada ti epekto dagiti buybuyaen dagiti estudyante ken annakda kadakuada ken maamuwanda tapno kasano da nga i-guide dagiti annakda kadagiti buybuyaen ken a-ayamen dagiti ubbing kadagiti cellphones da.
Kabayatanna, impeksa ni Councilor Tabanda a napateg ti open communication lines iti nagbaetan dagiti parentes ken annak tapno mangengan ti kapanunotan dagiti nagannak kasta metten dagiti ubbing seknan iti anyaman nga issue.
