--Ads--
Inlawlawag ni Agriculture Secretary Francisco Tiu Laurel Jr. a properly costed ti farm-to-market roads (FMRs) a manamnama a maiyimplimintar ita a tawen.
Sigun kenni Laurel Jr., dumanon iti pakabuklan a ₱33-billion ti pondo a nailatang para kadagiti farm-to-market roads manipod iti 2026 national budget.
Maaramat ti nasao nga alokasyon iti panakaaramid dagiti 1,600 a baro nga farm-to-market roads a maiyimplimitar ita a tawen.
Ti komento ti opisyal seknan iti daytoy ket kasaruno ti kinuna ti People’s Budget Coalition nga adda ti nasurok 800 a farm-to-market roads iti Department of Agriculture (DA) nga addaan kadagiti kinunada a “very round numbers” a patienda nga indikasyon a saan daytoy a properly costed.
