BAGUIO CITY – Indeklara ni Kalinga Governor Jocel Baac kas Special Non-Working Holiday ti February 13 ken 14 iti nasao a probinsia kagiddan ti maika-duapulo ket dua a founding anniversary ti kaunaan a panakaramabak ti Bodong Festival sadiay.
Immunan a nailukat ti nasao nga pestibidad idi Pebrero 6 babaen iti panag-gangsa dagiti opisyales ti nasao a probinsya a mangipakita ti naragsak a panagrugi ti Bodong festival.
Sigun kenni Governor Baac, babaen iti nasao a pestibidad ket agkaykaysa dagiti munisipyo ti Kalinga.
Intun Pebrero 13 ket maisayangkat ti “Lonok wenno Inum Di Bodong” wennno ti panakarambak ti peacepact iti nagbaetan ti provincial government ken ti nagduduma a munisipyo ken ti syudad ti Tabuk.
Maaddaan metlaeng dagitoy iti street dance parade, RDC meeting ken cultural show.
Kabayatanna, manamnama a sumangbay iti nasao nga aldaw da Vice President Leni Robredo kenni Presidential Adviser on the Peace Process Jesus Dureza kas kangrunaan a sangaili iti nasao a pestibidad
