--Ads--
Baguio City – Nasarakan ti maysa a fetus iti parking area ti maysa a kadakkelan a mall iti siudad ti Baguio idi kalman.
Maibasar iti report dagiti kapulisan, nakita daytoy ni Joshua Eclara Obejo iti maysa a sewer filtration area ti nasao a mall.
Sigun kenkuana, nasarakanna ti tumtumpaw a fetus iti iron screen iti sewer filtration kabayatan tii panagsukimatna iti nasao a pasdek.
Dagosna nga inyuman daytoy kadagiti kameng ti otoridad.
Iti imbestigasyon nga insayangkat dagiti otoridad, naamuan a ti fetus ket maysa a lalaki ken mapatta-patta nga agtawen iti maysa a bulan.
Iti agdama agtultuloy ti imbestigasyon nga isaysayangkat dagiti otoridad tapno mabigbigen ti pakabigbigan ti suspek.
