Makailislista ita ti health office iti Baguio City iti sumagmamano a kaso iti sakit a COVID.
Iti panakiuman iti Bombo Radyo kenni Dr. Celia Flor Brillantes,dadaulo iti City Health Services Office-Baguio,adda dagiti saggaysa nga indibidwal a madukduktalanda a naimpektaran iti nasao a sakit ngem mangnamnama dagitoy a saanen nga umado pay.
Sigun kenni Dr. Brillantes,ti panagsubli iti nasao a sakit ket adda pakainaiganna iti panagmutate iti virus a responsable iti daytoy nu sadino, mabalin latta a makaptan uray dagiti nalpasen a nabakunaan.
Iti imbinglay nga impormasyon iti nasao nga opisyal, nailistada ti nangato ti bilang dagiti kaso kadagiti napalabas a tallo a lawas wenno idi katengngaan iti bulan iti Abril ngem kinunana a bimmaba daytoyen iti agdama.
Mainaig iti dayta, kinuna ni Dra. Brillantes a panggepda ita iti mangipatungpal iti taripnong wenno sumarungkar kadagiti pagagasan seknan paylaeng iti nasao a sakit bayat a nakaalerto ken nangipatungpaldan kadagiti kaskenan nga addang tapno saanen nga ad-adda pay nga agraira ti COVID.
Kagiddan dayta,impaganetget ti opisyal a rumbeng nga ipatungpal ti self-isolation apaman a makarikna kadagiti sintomas daytoy a saan metlaeng a naidumduma kadagiti sintomas iti kadawyan a flu.//Bombo Rob Dominguez
