--Ads--
Ado a fans ti masaysayangan kalpasan a nagsinan da “Fifty shades of grey” aktres Dakota Johnson ken Coldplay vocalist Chris Martin.
Dumanon met iti agarup walo a tawen ti relasyonda.
Maipalagip nga idi tawen 2021 ket indidikar ni Chris ti kantana a “My Universe” kenni Dakota iti maysa a live show sadiay London.
Tawen 2017 idi immunan a nagwaras dagiti sayanggusing nga addaan iti espesyal a relasyon ti aktres ken ti singer ken kalpasan ti uppat a tawen ket nagdinna dagitoy.
Kabayatanna, naituding nga agbida ni Dakota iti pelikula a “Materialists” no sadino makaduana ni Pedro Pascal ken Chris Evans.
Ti nasao a pabuya ket mabuya kadagiti cinema iti pagilian inton Agosto.
