Naragsak nga impakaammo dagiti maseknan nga otoridad a balligi ken naannayas ti kaleppas a filing of certificate of candidacy iti siudad ti Baguio.
Naimatangan metlaeng nga awan ti aniaman nga election related incidents sipud nangrugi ti panangipila iti kandidatura idi oktubre a uno agingga idi laeng kalman.
Maibasar iti datos ti Commission on Elections-Baguio pakabuklan iti pito ti nangipila iti kandidaturana para iti kina-kongresista no sadino buklen daytoy da Nicasio Aliping Jr. (IND), Francis Camtugan (IND), Isabelo Cosalan Jr (PFP), Win-win Demoni (IND, Mauricio Domogan (IND), Sol Go (LAKAS-CMD) kenni Gladys Vergara (NPC).
Iti kina-mayor buklen daytoy da Benny Bomogao (PPM), Abdul Camo (IND), Rei Ann Cayetano (IND), Mark Andrew Directo (IND),incumbent congressman Mark Go (NPC) kenni incumbent mayor Benjie Magalong (NPC).
Malaksid iti dayta, dua met ti nangipila iti kandidatura para iti kina-bise mayor daytoy ket da Faustino Olowan (PFP) kenni Mylen Yaranon (NP).
Kabayatanna, pakabuklan met iti uppat a pulo ket tallo ti agbabalubal para iti kina-councilor iti siudad ti Baguio.
