Manamnama a makaiyawid ni Filipina tennis sensation Alex Eala iti P19 million nupay nagleppasen ti kampanyana iti 2025 Miami Open.
Immunan a kinuna ti Women’s Tennis Association (WTA) nga adda ti garantiya a makaiyawid ni Eala iti $332,160 wenno P19 million uray pay maabak daytoy kontra iti World No. 4 Jessica Pegula iti Miami Open semifinals.
Iti panagsango da Eala ken Pegula, napaay ni Eala a makastrek iti finals kalpasan nga indominar ni Pegula ti laban.
Iti baet ti pannakaabak ni Eala, historic latta ti performance daytoy gapu ta isuna ti kaunaan a Pilipino a babai a nakastrek iti semifinals ti WTA 1000 tournament.
Daytoy ket kalpasan nga inabakna dagiti tallo a Grand Slam champions a da World No. 25 Jelena Ostapenko, World No. 5 Madison Keys, ken World No. 2 Iga Swiatek sakbay a kinalabanna ni Pegula.
