100% a naipatungpal ti final testing ken sealing dagiti automated counting machines sadiay Bangued, Abra idi kalman.
Iti panakiuman ti Bombo Radyo kenni Atty. Reyman Solbita, election officer sadiay Bangued, Abra, kinunana a balligi a naipatungpal ti final testing kadagiti 49 clustered precincts wenno kadagiti 49 nga automated counting machine.
Sigun kenni Atty. Solbita, awan ti pimmalya malaksid iti maysa a presinto ngem gimmana met laeng ti nasao a makina.
Para iti final testing iti polling area ti Dangdangla Elementary School, daytoy ket naipatungpal iti opisina ti Commission on Elections sadiay Bangued, Abra ken daytoy ken naimatangan dagiti watchers, councils ken daduma pay.
Kinuna ni Atty. Solbita a kalpasan ti napasamak nga uram ket nangisagana daytoy iti request para iti panakaiyakar ti voting place ngem timmawag ti Commission on elections manipud Metro Manila a saan a kasapulan a maiyakar ti voting center.
Daytoy ket gapu ta saan nga amin a pasek ti Dangdangla Elementary School ket nauram no sadino tallo a pasdek ti nauram bayat a saan a naapektaran ti dua a klasroom daytoy.
Nag-inspect dagitoy iti nasao a pagadalan kaduana dagiti personnels manipud Department of Education tapno makita no adda iti maaramat inton eleksyon.
Nupay kasta, awan ti kuryente iti nasao a pagadalan gapu iti napasamak ngem kinuna ti Department of Education a dagitoy iti makikoordinar maipapan ti elekstrisidad tapno dagus a maisubli daytoy sakbay ti eleksyon.
Impetteng ni Atty. Solbita a mabalin a maaramat ti dua a klasroom para it umadanin nga eleksyon gapu ta maysa laeng daytoy a presinto wenno maysa nga automated counting machine ti maaramat para kadagiti agarup siyam a gasut a botante.
Iti agdama, manarimaan pay laeng ti imbestigasyon iti rason ti uram.
Iti sabali a bangir, nagpalagip ni Atty. Solbita kadagiti amin a kandidato a saan dagitoy nga agbalin a napudot wenno kalmado tapno naannayas a maipatungpal ti umdanin a 2025 National ken local elections.
Nagpalagp met daytoy kadagiti supporters dagiti kandidato a saanda nga agbalin a rason para iti panagrugi dagiti anyaman a gulo.
Mapalpalagipan met laeng dagiti amin a botante nangruna kadagiti senior citizens, dagiti masikog, ken dagiti persons with disabilities a gundawayanda ti naipaay nga oras nga agbotos dagitoy tapno saanda a maipit no orasen ti panagbobotos dagiti regular voters.
