Balligi a naipatungpal ti Fire Square Roadshow 2026 ti Baguio City Bureau of Fire Protection idi March 27, 2026 iti kadakkelan a mall iti syudad ti Baguio.
Ti nasao nga aktibidad ket pinasetan ti ginasgasut a Junior High School Students, Senior High School Students ken daduma pay.
Sigun kenni FO1 Lloyd Ashley Furigay, Public Information Officer ti Bureau of Fire Protection-Baguio,ti nasao nga aktibidad ket nangidiaya ti first aid ken basic life support kadagiti ubbing, young adults ken uray kadagiti natataengan.
Daytoy ket paset metlaeng ti panakaobserbar ti Fire Prevention Month ita a Marso.
Kabayatanna, nagbalin a katulungan wenno partner ti Baguio’s Bravest ti City Disaster Risk Reduction Management Council (CDRRMC), Baguio City Emergency Service (BCEMS) ken ti kadakkelan a mall iti siudad.//Bombo Noveh Organo
