Naangay ti fire square roadshow ti Bureau of Fire Protection-Baguio iti kadakellan a mall iti siudad ita nga aldaw a nakipasetan dagiti elementary, highscholl students kasta met ti publiko.
Daytoy nga aktibidad ket isu’t maudi nga aktibidad ti BFP-Baguio kas paset ti Fire Prevention Month ita a bulan ti Marso.
Panggep ti nasao nga aktibidad a mangipaay iti impormasyon para iti fire safety awareness babaen kadagiti nagduduma nga interactive activities kas iti bandaging, basic life support, rappelling, knot tying ken dadduma pay.
Malaksid iti dayta, nangipaay met laeng dagitoy iti liwliwa babaen iti panagkanta dagiti sumagmamano a personnel kasta met nga adda ti naibangon a photo booth.
Kabayatanna, dakkel ti panagyaman dagiti estudyante, dagiti parientes ken ti publiko a nakaimatang kadagiti naisayangkat nga aktibidad ti Bureau of Fire Protection-Baguio.
