Natumal paylaeng agingga iti agdama ti panaggatang dagiti indibidual ti sabong iti Malcolm Square, Baguio City sakbay ti panagrambak ti All Saints Day ken All Souls Day.
Sigun kenni Criselda Dipinio, manmano ti gumatgatang ti sabong iti agdama, nu idilig iti napalabas a tawen iti agpada nga aldaw.
Patienna a ti rason ket gapu iti napigsa a panagtudtudona nga epekto ti bagyo a Leon.
Nupay kasta, kinunana a kasapulan nga aglakoda latta gaputa daytoy ti panggedan ken pagtataudan ti paggatangda ti inaldaw.
Kadawyan a dagiti magatgatang a sabong ket ti ratus, cleopatra, sunflower, malaysian, maris puraw, nalabbaga ken pink a rose, chrysanthemum, ken aster.
Agay-ayam ti presio dagiti nasao a sabong iti P50 agingga P500 depende ti sizes dagitoy.
Nu idilig iti napalabas nga aldaw, bimmaba ti presio dagiti nasao a sabong iti P90.00.
Ti magatang ti P50 ket dagiti flower arrangements a babbassit.
