--Ads--
Inwaragawag ti Philippine National Police (PNP) a bimmaba iti 24.32% ti Focus crimes iti pagilian idi January 2026.
Pakairamanan daytoy ti murder, homicide, physical injury, rape, robbery, theft ken carnapping.
Sigun kenni PNP chief Police General Jose Melencio Nartatez Jr., dumanon iti 2,449 ti nailista dagitoy a focus crimes manipud January 1 agingga 31.
Ti nasao a datos ket nababa no idilig iti 3,236 nga insidente a nailista dagitoy idi January 2025.
Kabayatanna, bimmaba metlaeng ti krimen iti 5.59% no idilig idi December 2025.
Sigun pay iti dadaulo ti PNP, mangipasimudaag daytoy iti ad-adda a kinatalged ti komunidad.
