BAGUIO CITY – Balligi a nakemmeg dagiti kameng ti Baguio City Police Office ti 8th Top Most Wanted Person iti city level ken No. 2 Top Most Wanted Person iti station level para iti second quarter iti agdama a tawen sadiay Dominican Road, Baguio City.
Nakemmeg daytoy babaen iti bileg ti warrant of arrest gapu iti Forcible Abduction.
Maibasar iti report, maysa a menor de edad a babai ti nagpara iti taxi nu sadino ti driver ket ti suspek.
Saan nga imbaba ti suspek ti biktima iti destinasyonna iti laksid nga ipapilit ti biktima a bumaba.
Inturong ti suspek ti biktima iti maysa a lodge ken nangidiaya daytoy ti assistance kas kasukat iti inappropriate favors-na.
Nupay kasta, dagus a nakalibas ti biktima ken dagus nga impulongna iti nanangna nga isu met ti nagtulong a nangireport iti kustodiya ti pulisya.
Babaen met iti tulong ti Land Transportation Office, nabirukan ken nabigbig ti suspek babaen iti Close Circuit Televisions a nakaala iti plate number ti taxi.
Mapalpalagipan manen ti amin nga agbalin a nasipot ken agannad nangruna iti rabii ken dagus nga umasideg kadagiti kameng ti pulisya para iti dagus a tulong.//Bombo Jez Lapizar
