BAGUIO CITY – Nangbukel iti maysa a programa ti Bureau of Jail Management and Penology (BJMP)-Cordillera para kadagiti balud iti intero a rehiyon.
![](https://img.bomboradyo.com/baguio/2020/11/123870809_419546786082836_8786850352652309489_n.jpg)
Sigun ken ni Jail Chief Inspector April Rose Ayangwa ken dadaulo ti Welfare Development Division ti BJMP-Cordillera, adu ti pagkasapulan dagiti balud kas iti gadgets nangnangruna ita a panawen ti pandemya
Gapu iti dayta, nabukel ti forget me not program tapnu makaur-or iti pondo para iti pannakagatang kadagiti gadgets a mabalin nga aramaten dagiti balud para iti electronic dalaw wenno ti e-dalaw dagiti balod.
Inlawlawagna a daytoy ti kangrunaan a pagkasapulan dagiti balud tapno mapagtalinaed a nangato ti morale dagitoy ken napintas latta ti kooperasyonda iti uneg ti pagbaludan.
Mainaig iti dayta, innayunna a karaman pay ti programa nga insaganada para kadagiti balud iti legal assistance, educational ken behavioral intervention, jail industry, inter faith ken dadduma pay.