BAGUIO CITY – Maimatangan ita ti fountain iti sentro ti Burnham Lake tunggal weekend wenno iti aldaw ti Sabado ken Dominggo.
Iti panakipatang ti Bombo Radyo, kinuna ni City Environment and Parks Management Office (CEPMO) head Cordelia Lacsamana a mangrugi a maimatangan ti dancing fountain iti 5:30 ti malem agingga 10:00 ti rabii.
Gapu iti daytoy, guyguyuguyen ti CEPMO ti publiko nga agturongda iti Burnham Lake tapnu imatanganda ti fountain sadiay tunggal weekends.
Innayonna a nakontrol metlaeng ti lumot sadiay a mangituntunda iti panagrugit ti danum.
Kabayatanna, imbingayna a napagnumuan dagiti agpapa-abang iti bangka sadiay a papintasen pay dagitoy dagiti bangka nangruna ita a holiday season.
Innayonna nga adda metlaeng ti lifeguard nga agbambantay sadiay tapnu maipanamnama ti kinatalged dagiti agbangbangka ken adda pay dagiti panawen nga agbangka dagiti pulis tapnu rikosenda ti Burnham Lake.
