Adaptaren itan ti Department of Education (DepEd) ti four-day workweek mangrugi ita nga aldaw kas passet iti energy conservation nga addang ti gobyerno.
Iti impablaak ti nasao a departamento, impakammoda a manipud ita nga aldaw, Abril 10, suruten dagiti non-teaching ken related teaching personnel ti work from home (WFH) setup tunggal Biyernes manipud ita a bulan agingga inton Hunyo 5.
“School heads shall ensure that the implementation of WFH arrangement does not disrupt essential school operations and that appropriate staffing arrangements are in place, as necessary,” sigun iti nasao nga ahensya.
Pinalubosan pay ti nasao nga ahensiya dagiti private schools nga umakar iti blended learning kas panangsuporta iti energy conservation.
Nupay kasta, nakalanad iti nasao a memorandum a mabalin latta nga ituloy dagiti pribado a pagadalan ti lima nga aldaw nga in-person classes.
Immuna metten a pinalubosan ti Commission on Higher Education (CHED) ti full online classes para iti agdama nga school year kadagiti unibersidad iti pagilian.
“During the national energy emergency, HEls may adopt up to 100% online delivery as necessary and as a temporary arrangement, subject to institutional capacity and student readiness and notification to the CHEDRO (CHED Regional Office) concerned,” sigun iti nasao a komisyon. //bombokaren.c.s
