--Ads--
Maisagsagna ita ti kanayunan a kaso a maipila seknan iti flood control anomaly iti pagilian.
Sigun kenni Ombudsman Jesus Crispin Remulla, nakalinya ti lima agingga innem a kaso a maipila iti uneg ti dua a domingo.
Iti baet a saan nga impaay ti Ombudsman ti kanayunan a detalye seknan iti daytoy.
Kinompirmar ti nasao nga ahensiya a ni sigud a House Speaker Martin Romualdez ti naipayaan iti freeze order.
Maipalagip nga immuna a kinuna ti Anti-Money Laundering Council (AMLC) a nakaala dagitoy iti freeze order manipud iti Court of Appeals (CA) iti assets ti maysa a saan a nainaganan a mammanday linteg.
Saklawen ti freeze order ti korte dagiti 25 a bank account ni Romualdez ken dagiti 10 nga insurance policies a nakarehistro iti nagan daytoy.
