Inlaylayon ti Court of Appeals ti freeze order kadagiti bank accounts ken real properties ni Pastor Apollo Quiboloy a nakanagan kenkuana kasta met iti simbaan ti Kingdom of Jesus Christ.
Sigun iti Anti-Money Laundering Council, ti freeze order kadagiti assets ni Quiboloy ken iti simbaan daytoy ket aglas-od agingga Pebrero sais inton sumaruno a tawen.
Kasta met a saklawen ti freeze order ti media network a Sonshine Media Network International ken ti foundation daytoy.
Immuna a nairuar ti 20-day freeze order iti sangapulo a bank accounts, pito a real properties, lima a motor vehicles ken maysa nga aircraft ni Quiboloy idi Agosto sais iti agdama a tawen.