Nangipila ti Akbayan party-list ti gakat a mangikagumaan a mangpababa ti threshold para iti nabartek ken “drugged driving” a manglapped nga agmaneho iti bukodda a lugan.
Sigun kenni Akbayan party-list Representative Perci Cendaña, kasapulan a maipawil uray pay dagiti “tipsy” nga agmaneho ti lugan tapno maipasigurado ti kinatalged dagiti draybers ken dadduma pay nga indibidual iti kalsada.
Indatag ti nasao nga opisial ti report ti World Health Organization (WHO) a ti “road crashes” ti kangrunaan a rason ti ipupusay dagiti indibidual nga agtawen ti sangapulo ket lima agingga dua pulo ket siam.
Iti Pilipinas, manipod 2015 agingga 2019, 5,213 manipod iti 18,735 ket pimmusay gapu iti “road crashes” nga adda pakainaiganna iti panaginum ti arak.
Iti agdama, matalantan paylaeng ti nasao a gakat ken maikeddeng ti threshold a mang-define iti “tipsy” kalpasan a maisayangkat ti House of Representatives kadagiti panagdingeg iti naisingasing a gakat.
