--Ads--
Naipila iti House of Representatives ti maysa a gakat a mangiparit kadagiti local government units a mangidisignar kadagiti public roads kas paradaan,business stalls, wenno public transport terminals.
Impila ni Surigao del Norte Rep. Bernadette Barbers ti House Bill 933 tapno maiparit a maaramat dagiti parapubliko a kalsada iti anya man nga aktibidad a mangsingnga iti gunay ti trapiko.
Iti nasao a gakat, dagiti otoridad laeng ti mabalin a mangipaulog iti permits para iti pannakaaramat dagiti parapubliko a kalsada para iti temporario nga aktibidad.
Panggep ti nasao a gakat a makontrol ti pannakaaramat dagiti sidewalks ken public roads, tapno mausar laeng iti naituding a pakausaranna.
