Manamnama a maipila ti gakat a mangiparit iti panagusar ti cellphone kadagiti amin a basic educational institutions, tapno matulongan dagiti ubbing a mangipamaysa iti panagadalda ken agsubli iti regular a panagbasada ti libro.
Kasaruno daytoy iti panangsukimat ni Senator Sherwin Gatchalian, Chairman of Senate Committee on Basic Education, a kangrunaan nga araramiden dagiti studyante ken ubbing ti agbuya iti social media imbes nga agbasa dagitoy kadagiti libroda.
Nupay kasta, sakupen laeng ti nasao a gakat dagiti basic education students.
Kabayatanna, naituding a mangipila ti nasao nga opisyal ti addang a manginstitusional iti pannakarambak ti “National Reading Month” iti tunggal Nobiembre, no sadino masapul a gumatang dagiti ubbing ti libro tapno maallukoy dagitoy nga aktibo manen nga agbasa.
