--Ads--
BAGUIO CITY – Supsuportaran ni Baguio City Representative Mark Go ti gakat (bill) a mangkidkiddaw iti panakakanselar ti Barangay ken Sk Elections inton Disyembre 5 ti agdama a tawen.
Sigun kenkuana, maysa daytoy kadagiti nangipila ti gakat a mangkidkiddaw iti panakaituding manen ti Barangay ken SK elections inton December 4, 2023.
Inlawlawagna a dumanon iti P7.8-B ti mainot ti gobyerno nu makanselar ti eleksyon ita a tawen.
Impettengna a ti nasao a pundo ket isupay a maaramat kadagiti programa ken proyekto a mangtulong kadagiti Pilipino nangruna ta saan paylaeng a naan-anay a nakareboker ti pagilian manipud iti epekto ti COVID-19 pandemic.
