Naiturungen iti Palasyo Malakanyang ti gakat a mangikeddeng iti lima a tawen a termino dagiti opisial ti barangay ken ti pannakaiyakar ti Barangay and Sanggunian Kabataan Elections iti 2028.
Kabayatanna, nagballaag dagiti poll watchdogs, pakairamanan ti National Citizens’ Movement for Free Elections ken Legal Network for Truthful Elections kontra iti sabali manen a pannakaitantan ti barangay elections.
Sigun kadagiti maseknan nga ahensiya, napateg ti regular a barangay elections agsipudta daytoy ti wagas tapno maipaayan dagiti botante iti gundaway a mangusig kadagiti lokal nga opisyal dagitoy.
Nupay kasta, kinuna ni Gatchalian nga awan ti impormasyon daytoy no i-veto ni President Marcos Jr. ti nasao a gakat.