![](https://img.bomboradyo.com/baguio/2020/03/incentive-leave.jpg)
BAGUIO CITY – Naaprobaranen iti pinal ken maudi a panagbasa iti Kamara ti House Bill No. 1338 a pinutar ni Baguio Representative Mark Go.
Sagudayen ti gakat a mapagbalin a 10 days leave with pay ti yearly service incentive leave dagiti empleyado a nakaipaay iti makatawen a serbisyo iti pagtatrabahuan daytoy.
Am-amyendaran ti gakat ti Article 95 ti Labor Code of the Philippines a mangipapaay iti 5 days paid leave iti empleyado a nakaipaay iti makatawen a serbisyo iti pagtatrabahuan daytoy.
Mangnamnama ti kongresista a babaen iti nasao nga insentibo ket mapasayaat ti morale ken satisfaction dagiti empleyado a maipakita met dagitoy babaen iti nanayonan a productivity dagitoy.
Innayonna a kissayan pay ti ad-adu a leave credit ti risgo iti isyu ti salun-at ken kinaltaged ti maysa nga empleyado.
Iti agdama, insumitirdan ti gakat sadiay Senado para iti diskusyon ken panangaprobar dagiti senador.