Maisaksakad ti maysa a gakat a mangipalubos iti panangbalbaliw dagiti intersex nga indibdwal iti first name ken sex dagitoy nga opisyal a nakarehistro kadagiti birth certificateda a saanen a kasapulan pay ti court order.
Nailadawan iti Senate Bill 2626 nga impila ni Senator Risa Hontiveros a ti intersex ket maysa a banag a mapaspasmak iti bagi ti maysa nga indibidwal nu sadino, saan nga agtunos ti physical sex characteristics kas ti sexual anatomy, reproductive organs, hormonal patterns ken chromosomal patterns dagitoy iti typical definitions iti bagi ti maysa a lalaki ken maysa a babai.
Iti bileg ti nasao a gakat, saanen a kasaapulan ti court order iti panangbaliw dagiti intersex nga indibidwal iti first name ken sex dagitoy a nakarehistro gapu ta sigun iti daytoy, bigbigbigen ti pagilian ti kinapateg ti kaadda ti efficient ken accesible a civil registration system a makatulong kadagiti inidbidwal tapno makontrol ken maprotektaran dagitoy ti personal information ken pakabigbiganda, mamintinir ti karbengan ken kinawaya, ken makorektar dagiti errors kadagiti civil register entries dagitoy.
Nailawlawag metlaeng iti nasao na gakat a masapol nga agbalin a ligal ti panagbaliw dagiti intersex nga indibidwal iti sex ken naganda laketdi adda dagitoyen iti ligal a tawen.
Maawagan met ti nasao a gakat kas “Cagandahan Law”.
Ti nasao a nagan ti tarigagay a linteg ket nagtaud iti kaso a pinatgan ti korte suprema idi September 12,2008 nu sadino, nagbalin ti nagan ni Jennifer Cagandahan a Jeff Cagandahan ken ti panagbalin a male ti sigud a female a nakalanad iti civil register entry daytoy.
Napatgan ti nasao nga aksyon kasaruno ti panakatingiting daytoy nu sadino napaneknekana maysa nga intersex nga indibidwal ni Cagandahan gapu iti panakaadda ti secondary male characteristics iti bagina kasta met ti panakaduktal nga addaan daytoy ti Congenital Adrenal Hyperplasia (CAH).
