Maisaksakad iti Kamara ti gakat tapno maikkat ti padrino system wenno palakasan kadagiti ahensiya iti gobierno ken tapno ma-hire dagiti empleyado maibasar iti kabaelanda.
Iti sidong ti “Gobyernong Walang Padrino” Act ni Bagong Henerasyon (BH) Partylist Rep. Robert Nazal, impaganetgetna a masapol a maipatungpal ti meritocracy ken transparency kadagiti appointment, promotion, ken distribution ti benepisio kadagiti opisina ti gobierno.
Impetteng ni Nazal a daytoy ti mangpasardeng iti referrals, loyalty, ken koneksiyon iti panagpapagayam tapno ngumato wenno makaawat iti puwesto iti gobierno.
Panggep ti nasao a gakat a mangipatungpal iti Anti-Padrino Oversight Unit iti sidong ti Civil Service Commission.
Nakalanad pay iti nasao a gakat a maiparit ti panagaramat iti political endorsement iti aniaman a proseso ti appointment wenno promotion kadagiti amin nga ahensia ti gobierno, Government Owned and Controlled Corporations (GOCCs), LGUs, State universities kasta met kadagiti programa a pinunduan ti gobierno.
Iti kanito nga agbalin daytoy a linteg, dagiti aglabsing ket mamulta manipud iti P10 Million ken 10 a tawen a pannakaibalud.