Manarimaan ti imbestigasyon ti Department of the Interior and Local Government (DILG) iti napasamak a pammaltog iti uneg ti Ateneo De Zamboanga Universit idi Agosto 18, 2026.
Sigun kadagiti otoridad, kitkitaen dagiti imbestigador ti gaming ken messaging history ti suspek tapno maamuan ti motibo ken ti makagapo iti napasamak nga insidente.
Maipalagip a pimmusay ti Grade 10 student ken ti Grade 7 a suspek.
Impatungpal ti suspek ti krimen bayat a naka-live iti social media babaen iti first-person point-of-view a kas iti video game sakbayna a pinapatay ti bukodna a bagi.
Iti inisyal nga inbistigasyon ti pulisya, maysa a regular pistol ken maatap nga assault rifle ti inaramat ti suspek.
Nasarakan metlaeng dagiti otoridad ti shooter’s bag a maatap a nangikargaan ti suspek kadagiti paltog.
Naikkat metten iti puesto ti ama ti suspek a maysa nga opisial ti Bureau of Customs kalpasan a naduktalan a daytoy ti agtagikua iti maysa a paltog.
Kabayatanna, idagdagadag ni Remulla iti publiko nga iwaksi paylaeng ti politila ken ipangpangrunada ti kinatalged dagiti ubbing.
Indagadagna pay kadagiti agtagikua iti paltog nga agbalinda a responsable iti panagaramat kadagitoy.