Maipatungpal ti garbage fee increase iti siudad ti Baguio inton sumaruno a tawen.
Iti pannakiuman ti Bombo Radyo kenni Councilor Rocky Aliping, imbinglayna nga iti agdama, addan ti maar-aramid nga operations manual tapno adda dagiti masurot a guidelines nu kasanu ti panangimanehar kadagiti solid waste iti siudad kas panagsagana iti pannakaipangato ti garbage fee.
Inwaragawagna a napirmaanen ti amendment iti panangingato iti garbage fee ken maiyemplementar daytoy inton Enero 2027.
Inlawlawag ni Councilor Aliping nga iti agdama, iconconditionda pay laeng dagiti babbarangay iti siudad kabayatan iti pannakaaramid dagiti implementing rules and guidelines ken operations manual.
Maysa kadagiti pokus ti pagalagadan ket ti nainget a panangobserba iti segregation dagiti basura manipud kadagiti pagtaengan.
Impettengna metlaeng a mannarimaan ti panagsaganada para iti nasao nga isyu kagidan iti budget plan dagiti babbarangay para inton sumaruno a tawen.
Kinuna met ti nasao nga opisyal a maararamat iti umno a panawen dagiti budget gapu ta maisubsumitirda sakbay iti deadline dagiti budget plan dagitoy. //kcs//
BUYAEN ti paset ti pannarita ni Baguio City Councilor Rocky Aliping:
