--Ads--
BAGUIO CITY – Dumanon iti P1.2-M ti nagastos ti lokal a gobyerno ti Baguio iti panakaiyaramid ti Christmas Tree sadiay Upper Session Road ditoy siudad.
Sigun kenni City Tourism Officer Engr. Alec Mapalo, ti nasao a gastos ket para laeng iti nasao nga istruktura ken saan a karaman ditoy dagiti gastos iti dadduma a dekorasyon para iti Paskua a naimuntar iti dadduma a paset ti siudad.
Immunan a naipadamag a dagiti dekorasyon ita ti siudad para iti Paskua ken Baro a Tawen ket addaan ti Cordilleran theme kas panangpadayaw iti kinatibker dagiti Cordilleran iti panaglaban kadagiti saan a nasasayaat a pasamak kas iti agdama a pandemya.
