Dumanon iti gatad a P459 Billion dagiti proyekto ti Department of Public Works and Highways (DPWH) a naipaima kadagiti kontraktor nga addaan iti kuwestionable a financial capacity.
Sigun iti Commission on Audit (COA), ti nasao a gatad ket nagtaud iti 11,391 a proyekto ti DPWH.
Sigun pay iti report, naipaayan ti maysa a kontraktor iti agarup uppat a kontrata nga aggatad iti pakabuklan a gatad a P530 Million iti baet a ti laeng kabaelan dagitoy nga alaen a proyekto ket dagiti laeng proyekto nga aggatad ti P81 Million laeng.
Maysa metlaeng a kontraktor ti nakaala iti pito a kontrata nga aggatad iti P1 Billion iti baet a ti kabaelanna laeng kuma nga alaen a gatad ti proyekto ket P189 Million.
Sigun pay iti COA, ti MIMAROPA wenno Region 4-B ti nakairekord ti kadakkelan a gatas iti kontrata no sadino aggatad iti agarup P65.70 Billion ti mapatta-patta a naipaiman kadagiti mapagduaduaan a kontraktor.
Awan pay laeng ti komento ti DPWH seknan iti nasao nga issue.
