Dumanon iti agarop ₱150million iti crop damage iti Rehion Cordillera gapu iti panagdalapos dagiti nagsasaruno a bagyo sipud kenni Kristine agingga kenni Pepito.
Kaaduan kadagiti nadadael a mula ket ti pagay, partikular dagiti adda paylaeng iti reprodactive stage ken dagiti asidegen a maapit.
Iti pannakiuman iti Bombo Radyo kenni Liza Jane Challikis, Operations Section Chief iti National Irrigation Administration-Cordillera, kinunana a kaaduan a nadadaelan iti pagay dagiti mannalon idiay Tabuk City, Kalinga ken idiay Lamut, Ifugao gapu ta manarimaan iti reprodactive stage dagiti mula dagitoy.
Iti sabali a bangir, sumagmamano met kadagiti lugar kas iti Apayao ken ti Abra ti nakaapit iti pagay sabay a dimmalapos dagiti bagyo.
Mainaig iti dayta, sigun metlaeng iti datos iti nadakamat nga opisina, dumanon laeng iti 334 manipod iti 496 nga ektaria ti daga a namulaan iti pagay ti naapit sakbay ti bagyo.
Innayon ni Challikis a posible a bumaba iti produksion iti rehion gapu kadagiti nadadael a mula.//mp4
