Bimmara ti maika-30 nga aldaw ti impeachment trial ni Vice President Sara Duterte kalpasan nga imbutaktak ti Philippine National Police Firearms and Explosives Office ti bilang dagiti paltog ti bise presidente.
Sigun kenni Police Major Jerickson Sangalang, dumanun iti 22 ti bilang dagiti paltog a nakarehistro iti nagan ni VP Sara Duterte bayat a 29 a paltog ti nakarehistro iti nagan ti asawa daytoy a ni Atty. Manases Carpio.
Dagiti nasao a paltog ket pakairamanan ti pistol, revolver, rifle ken shotgun.
Kabayatanna, impaganetget ni House lead prosecutor Atty. Gerville Luistro a rumbeng a maideklara iti Statement of Assets, Liabilities and Net Worth wenno SALN dagiti paltog a kukua ti maysa nga opisyal ti gobierno.
Sigun kenni Luistro, rumbeng nga ilawlawag ti Bise Presidente no kasanona nga ideklara dagiti paltog sakbay a naipaulog ti detalyado a SALN guidelines idi 2025.
