--Ads--
BAGUIO CITY- Dumanon iti 925 a campaign posters ti naikkat manipud kadagiti nakaipaskilan dagitoy iti naisayangkat nga Oplan Bakas iti siudad ti Baguio itay nabiit.
Indauluan ti COMELEC-Baguio ti nasao nga aktibidad kadwada ti Baguio City Police Office, Department of Public Works and Highways ken Department of Environment and Natural Resources.
Maibasar iti pagalagadan, dagiti naikkat a campaign posters ket saan a nagtungpal iti maikalkalikagumn a kadakkel dagitoy ken naikabilda kadagiti saan nga otorisado a lokasyon.
Sigun kenni COMELEC-Baguio Acting City Election Officer Atty. Reyman Solbita, ti citywide nga Oplan Baklas ket insayangkat ti 10 a grupo a binukel dagiti nasao nga ahensia.
