Pimmusay ti ginasgasut a tattao ken nadangran ti dadduma pay gapu iti panagatake ti militar ti Israel iti babbalay idiay Jabalia, amianan a paset ti Gaza Strip idi laeng kalman, sigun iti medical team ti Palestinian.
Maimatangan ti video a nagwaras iti social media dagiti bangkay a nabalkot iti bado ken naikabil dagitoy iti daga nga asideg ti ospital.
Mapapati nga agarup tallo pulo a pasdek wenno babbalay ti nadadael gapu paylaeng iti panagatake, ken manarimaan ti panagberipikar dagiti otoridad.
Ngem sigun met kadagiti opisial ti Palestinian news agency a WAFA ken Hamas media, ti bilang ti pimmusay nga indibidual ket dumanon iti tallo pulo.
Awan ti dagos a kumpirmasion ti health ministry sadiay nu mano a bilang ti pimmusay.
Kabayatanna, inaklon ti militar ti Israel a pinuntiriada nga inatake ti maysa a lugar idiay Jabalia a pagtrabahuan dagiti “terorista”.
Patien ti nasao a militar a dagiti terorista ket pangta iti Israeli Defense Forces gaputa agop-operate dagitoy iti nasao a lugar.
