https://www.facebook.com/jason.oxford1/videos/2409985959044213
photo credit to Jayson Manuel L. Osong
BAGUIO CITY – Inyawid ti Glee Club ti Cordillera Regional Science High School (CRSHS) ti tallo a gold medals iti 8th Bali International Choir Festival a naangay sadiay Indonesia.
Napangabakan ti CRSHS Glee Club ti Gold Medal – Level 1 iti Teenagers Category ken sabali manen a gold medal iti Level 4, Championship Qualifier iti Folkloric Category.
Naiyawidda pay ti gold medal iti Championship Round ti Folkloric Category kalpasan a nakaawatda ti pakabuklan nga 81.65 points.
Naamuan a ti CRSHS Glee Club manipud La Trinidad, Benguet ti kaunaan a pagadalan ti sekondarya iti rehiyon Cordillera a nangibagi iti Pilipinas iti international choral competition.
Pinasetan met ti 99 a choral groups manipud iti nagduduma a pagilian ti 8th Bali International Choir Festival ken nagserbi kas judges ti 16 nga internationally acclaimed choral experts.
