Naituding a mangipila ti baro a diplomatic protest ti gobierno ti Pilipinas seknan iti ‘unprofessional’ ken ‘reckless actions’ ti Chinese Navy helicopter iti aircraft ti Bureau of Fisheries and Aquatic Resources (BFAR), maibasar iti statement ti Presidential Office for Maritime Concerns a nairuar idi kalman.
Daytoy ket kalpasan nga immasideg ken nangisayangkat ti delikado a flight maneuvers ti People’s Liberation Army Navy (PLA-Navy) helicopter iti Bureau of Fisheries and Aquatic Resources (BFAR) iti distansia a tallo a metro laeng bayat a mangipatpatungpal ti Pilipinas ti Maritime Domain Awareness Flight iti territorial airspace ti Bajo De Masinloc idi kalman.
Naamuan nga addaan ti tail number 68 ti People’s Liberation Army Navy (PLA-Navy) helicopter.
Iti maysa nga statement, kinuna ni PCG spokesperson for the West Philippine Sea Comm. Jay Tarriela a nangpataud ti nakaro a peggad iti kinatalged dagiti piloto ken pasahero ti reckless action ti Chinese helicopter.
Iti agdama, awan ti komento ti maseknan nga opisial idiay China seknan iti nasao a banag.
