Impakaammo ti Department of Justice a mabalin a maipaayan dagiti opisial ti gobierno ken dagiti retirado nga opisyal ti kaso, apaman a makitinnulongda iti International Criminal Court para iti imbestigasion iti mapapati a panaglabsing ti human rights ti immun-una nga administrasion gapu iti naipatungpal a drug war.
Sigun kenni Jose Dominiv Clavano IV, Assitant Secretary ti Department of Justice, nalawag ti impaay ni President Ferdinand “Bongbong” Marcos Jr. a direktiba a saan a makibiang ti pagilian iti imbestigasion ti International Criminal Court maipapan iti nasao a panaglabsing ti Human rights ti napalabas nga administrasion.
Kasaruno daytoy iti imbaga ni sigud a senador Antonio Trillanes a manarimaan ti koordiansion ti International Criminal Court, kadagiti aktibo ken sigud nga opisial ti Philippine National Police mainaig iti imbestigasionda iti drug war.
Maipalagip nga immunan nga ilawlawag ni President Marcos Jr. a saan a bigbigbigen ti pagilian a pilipinas ti International Criminal Court (ICC), isu’t gapunna nga awan ti namnamaen dagitoy a tulong ken awan ti karebengan ti International Trial Court iti pilipinas agsipudta nabayagen dagitoy a naglusulos.
