Sinuspende ti Malacañang dagiti government works ken klase iti parapubliko a pagadalan iti amin a lebel iti intero a Luzon intun bigat, October 23, 2024.
Kasaruno daytoy iti rekomendasion ti Office of Civil Defense ken Department of the Interior and local Government, gapu iti posible nga epekto ti Tropical Storm a ni kristine.
Kabayatanna, angingga intun alas dose ti panggaldaw ti trabaho dagiti opisina ti gobierno intun October 31, kas panagsagana dagiti empleyado para iti All Saints’ Day.
Nupay kasta, ti pannakasuspende ti klase kadagiti pribado a pagadalan ken panagtrabaho kadagiti pribado a kompania ket depende kadagiti respective heads wenno employers dagitoy.
Impaganetget ti Malacañang nga agtuloy ti operasion dagiti ahensia a mangipaay kadagiti basic ken health services kas iti disaster response ken dadduma pay.
