--Ads--
BAGUIO CITY – Sumango ti Grade 12 student ken ti kadwana a menor de edad iti kaso a panaglabsing iti RA 9165 wenno ti Comprehensive Dangerous Drug Act of 2002 kalpasan a natiliw dagitoy iti buy-bust operation sadiay Tabuk City, Kalinga idi kalman.
Nabigbig dagiti suspek a da Maila Daligdig Tayaa, 21-anyos ken ti 15-anyos, agpada a residente ti Rizal, Kalinga.
Nakumpiskar kadakuada ti maysa a pakete ti maatap a shabu nga agdagsen ti 15 a gramo ken aggatad ti P102-K.
Naipasidong dagiti suspek ken dagiti nakumpiskar nga ebidensya iti kustodiya ti Tabuk CPS para iti dokumentasyon ken umno a disposisyon.
Naarestar dagiti suspek babaen iti nagtipon a pwersa ti Kalinga PPO, Tabuk CPS, PDEA ken 1st Kalinga Provincial Mobile Force Company.
