--Ads--
BAGUIO CITY – Indauluan ti maysa a graduate ti Bachelor of Library and Information Science ti Benguet State University – La Trinidad ti kaleppas a 2019 Librarian Licensure Examination.
Topnocther iti nasao nga eksaminasyon ni Daniel Soriano Balbin Jr. a nakagun-od iti 89.75% a rating.
Kabayatanna, nagun-od ni Geraldine Danason Hernandez manipud Saint Louis University (SLU) ditoy Baguio City ti maikatlo a pwesto kalpasan a nakagun-od iti 89.05% a rating.
Maika-10 met ni Kryztalhyn Mae Javillonar Ramos manipud metlaeng iti SLU kalpasan a nakagun-od iti 88.15% a rating.
Kabayatanna, nakapasa ti 565 manipud kadagiti 1,024 a nakipaset iti nasao nga eksaminasyon para kadagiti librarians.
