Imbasura ti Sandiganbayan ti graft case kontra kenni sigud nga Iloilo City Mayor Jed Mabilog seknan iti maatap a pannakibiyangna iti pannakaipaay ti kontrata ti gobierno iti maysa a towing service firm.
Iti resolusion a naipaulog idi Agosto 12, pinatgan ti Third Division ti Sandiganbayan ti mosion ni Mabilog a mangdismiss iti kaso.
Sigun iti korte, adda di nainkalintegan a pannakataktak ti umuna nga imbestigasion, ken saan a nailawlawag ti Office of the Ombudsman no apay a nabayag ti pannakaipila ti kaso.
Naakusaran ni Mabilog ken dadduma pay a naaddaanda iti memorandum of agreement iti 3L Towing Services.
Iti nasao a katulagan, napatgan ti kompania a mang-clamp ken mangguyod kadagiti illegal a nakaparada a lugan iti Iloilo City a saan a dimmalan iti competitive process.
Maibasar iti rekord ti korte, naipila ti reklamo kontra ken ni Mabilog idi Abril 2015.
Naawat ti Ombudsman ti counter-affidavit-na idi Agosto 2015, idinto a naipaulog ti consolidated resolution idi Marso 2017.
Kagiddan ti pannakaikaibasura ti kaso, inikkaten ti korte ti hold departure order kontra kenni Mabilog ken imbilinna ti pannakairuar ti bail bond kenkuana.