Pimmusayen ni Grammy-winning singer Mandisa iti tawenna nga uppat a pulo ket pito.
Kinumpirmar daytoy ti tatangna nupay kasta saanna nga imbaga ti rason ti ipupusay ti nasao a singer.
Nasarakan ni Mandisa nga awanan biag iti uneg ti pagtaengan dagitoy idiay Nashville.
Kabayatanna, pagaammo ni Mandisa kalpasan a nagleppas daytoy iti maikasiyam a puwesto iti season 5 ti talent show nga “American Idol”.
Malaksid iti dayta, limmatak ti nasao a singer gapu iti panagbalinna a Gospel singer kalpasan a nangabak daytoy iti American Idol bayat a nagun-odna ti Grammy Award iti albumna nga “Overcome” idi 2014.
Tawen 2017, imbinglay ni Mandisa nga addaan daytoy ti parikut iti mental health no sadino impadasna pay nga agpakamatay.
Iti agdama, awan paylaeng ti naipakaammo no kaanu ti tabonna.
