--Ads--
![](https://img.bomboradyo.com/baguio/2020/02/Panagbenga2020_.png)
BAGUIO CITY – Posible a matuloy iti sabali nga aldaw ti Grand Opening Parade ti Baguio Flower Festival wenno Panagbenga 2020.
Sigun kenni Andrew Pinero, pannakangiwat ti Hotel and Restuarant Association of Baguio (HRAB), matuloy daytoy no sumaayat ti sitwasion maipapan iti pangta ti coronavirus.
Nupay kasta, kinunana a no kumaro ti panagwaras ti virus ket saanen a maipatungpal ti parada.
Kinunana pay a no kumaro ti sitwasion ket maitantan met laeng ti pannakaipatungpal ti Session Road in Bloom, Grand Street Dance Parade ken ti Grand Float Parade.
Impanamnama ni Pinero a maipaay ti subsidia kadagiti partisipantes ti highlights ti Panagbenga, matuloy man dagitoy wenno saan.