Balligi a naipatungpal ti Grand Street Dance Parade iti Baguio City ita nga aldaw a dinar-ayan dagiti rinibribu nga indibidwal iti baet ti pangta iti sasaaden iti panawen.
Nupay alas otso iti agsapa a nangrugi ti parada, adu dagiti immunan a nagpwesto ken naguray kadagiti igid iti ruta iti parada alas tres itay parbangon ken adda pay ti nasapsapa.
Kasta met a nasapa a nagsagana dagiti performers iti Street Dance Parade nu sadino, nakasagana ken nakacostume dagitoyen parbangon paylaeng.
Kagiddan dayta, naobserbaran met ti nalutak a daga idiay Melvin Jones Grandstand a nagpabuyaan dagiti partisipante gapu iti napasaran a panagtudo idi kalman.
Nupay kasta, dagus daytoy nga inaksyunan dagiti kameng iti maseknan nga opisina bayat a saan pay nangrugi parada.//Bombo Rob Dominguez
