Impakita iti Pilipinas ti laing ken kinataer daytoy iti international stage kalpoasan nga inyawid ni Granville Michael Louie Raymundo manipod Benguet ti Third Runner-Up iti maika-siam a Mister Tourism World, a naangay idi Pebrero 2026 iti Chiang Mai, Thailand.
Malaksid iti pananggun-odna iti nangato a ranggo, inyawidna metlaeng ti Best in National Costume ken nangabak iti Popular Vote, pammaneknek iti suporta dagiti Pilipino ken internation community.
Iti national costume nga inkawesna, tampok ti Igorot-inspired design, a nangipaganetget iti nagtaudanna a kultura manipod iti rehion Cordillera.
Maipalagip a nakoronaan daytoy kas Mister Tourism World Philippines 2025 idi Agosto 2, 2025.
Ngem sakbay ti nasao a pasalip, iggemnan ti regional title idi tawen 2024 a Mr. Globe Tourism CAR.
Ni Raymundo ket maysa nga Igorot a pageant titleholder ken modelo.
Nagleppas daytoy iti BS Hospitality Management iti University of the Cordilleras (UC-BCF) idi 2013.
