Nilawlawagan ni Greenman wenno Tito Noel wenno Jhonwell Reyes dagiti agwarwaras iti social media nga alegasyon ti maysa a netizen a nangharass ken nang-body shame daytoy bayat ti perfomance na idiay Session road itay nabiit.
Iti interview ti Bombo Radyo iti nasao a mime artist, kinuna a saan nga agpaysu dagiti dadduma nga ibagbaga dagiti netizens partikular ti harassment ken body shaming.
Sigun kenni Greenman, awan ti sabali a panggepna nu di ket mangipaay ti liwliwa ken mangparagsak ti publiko.
Impaganetnetna a dagiti wagas nga ar-aramidenna iti agdama ket siguden nga ar-aramidenna tapno maparagsakna dagiti tattao saan a tapno agpasikat daytoy.
Nupay kasta, agkidkidaw ni Greenman ti pammakawan kadagiti amin a saan a naragsakan ken dagiti nasaktan iti inaramidna a panaguyaw iti bagi a para kenkuana ket wagasna daytoy tapno mangipaay ti liwliwa.
Iti agdama, saan pay a maimatangan ni Greenman iti session road ngem impasiguradona nga agsublinto metlaeng daytoy tapno mangipaay liwliwa kadagiti tattao.//Marielle Apat
